O‘zbekiston Respublikasi Prezidentining
Qarori
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish to‘g‘risida
Innovatsion va yuqori sifatli dori vositalarini, tibbiy buyumlar va tibbiy texnika vositalarini ishlab chiqarishni tashkil etish, aholining ushbu mahsulotlarga bo‘lgan ehtiyojini qondirish, farmatsevtika sohasi mutaxassislarini xalqaro ta’lim standartlari asosida va talab yuqori bo‘lgan mutaxassisliklar bo‘yicha tayyorlashni, farmatsevtika ta’limining xalqaro ilmiy hamjamiyat tizimiga izchil integratsiyalashuvini ta’minlash va respublikada farmatsevtika tarmog‘ini yanada rivojlantirish maqsadida:
Oldingi tahrirga qarang.
1. O‘zbekiston Respublikasi Investitsiyalar va tashqi savdo vazirligi, Sog‘liqni saqlash vazirligi, Iqtisodiyot va sanoat vazirligi, Oliy va o‘rta maxsus ta’lim vazirligi, Toshkent viloyati hokimligining Toshkent viloyati Zangiota tumanida “Tashkent Pharma Park” innovatsion ilmiy-ishlab chiqarish farmatsevtika klasterini (keyingi o‘rinlarda — Klaster) tashkil etish to‘g‘risidagi taklifi qabul qilinsin.
(1-band O‘zbekiston Respublikasi Prezidentining 2022-yil 21-yanvardagi PF-55-sonli Farmoni tahririda — Qonunchilik ma’lumotlari milliy bazasi, 22.01.2022-y., 06/22/55/0055-son)
2. Belgilansinki, Klaster o‘z ichiga quyidagilarni tashkil etishni qamrab oladi:
a) quyidagilardan iborat o‘z infratuzilmasiga ega bo‘lgan Farmatsevtika texnik universiteti (keyingi o‘rinlarda — Universitet):
ilmiy-tadqiqot markazlari va laboratoriyalar;
o‘quv-ilmiy laboratoriyalari va vivariylar;
farmakopeya markazi;
mehmonxonaga ega simpoziumlar markazi;
talabalar, o‘qituvchilar va chet ellik xodimlar uchun turar joy;
sport-sog‘lomlashtirish majmuasi, suv havzasi va stadion;
b) innovatsion dori vositalari, tibbiy buyumlar va tibbiy texnikalar ishlab chiqarishga mo‘ljallangan ishlab chiqarish maydonlaridan iborat sanoat zonasi (keyingi o‘rinlarda — sanoat zonasi).
3. Quyidagilar:
a) Klasterning asosiy vazifalari va faoliyat yo‘nalishlari etib belgilansin:
xalqaro tajribani qo‘llagan holda innovatsion yechimlar (nou-xau) va yuqori texnologiyalarni joriy etish orqali respublikaning farmatsevtika tarmog‘ini rivojlantirish;
farmatsevtika tarmog‘ida talab yuqori bo‘lgan mutaxassisliklar bo‘yicha xalqaro o‘qitish dasturlariga muvofiq malakali kadrlar tayyorlash uchun ixtisoslashtirilgan ta’lim infratuzilmasini yaratish;
xalqaro innovatsion tizimga integratsiyalashish, zamonaviy o‘quv-laboratoriyalari va ilmiy-tadqiqot markazlari, shuningdek, innovatsion infratuzilmani yaratish orqali ilmiy-tadqiqot bazasini rivojlantirish;
innovatsion va yuqori sifatli dori vositalari, tibbiy buyumlar va tibbiy texnikani ishlab chiqarishga mo‘ljallangan zamonaviy raqobatbardosh ishlab chiqarishlarni tashkil etish uchun, shu jumladan xorijiy farmatsevtika kompaniyalarining investitsiyalari va ilg‘or texnologiyalarini jalb qilish;
ilmiy-ta’lim va tadqiqot markazlarining ilmiy-texnik va innovatsion dasturlar, tanlovlar hamda grantlarda ishtirok etishi uchun shart-sharoitlarni ta’minlash;
tajriba va ma’lumotlarning doimiy almashinuvini tashkil etish orqali xorijning ushbu yo‘nalishdagi ilmiy-tadqiqot markazlari bilan hamkorlikni yo‘lga qo‘yish, xalqaro tadqiqot dasturlari, anjumanlar va simpoziumlarda amaliy ishtirok etishni ta’minlash;
b) Universitetning asosiy vazifalari va faoliyat yo‘nalishlari etib belgilansin:
dori vositalari, tibbiy buyumlar va tibbiy texnika ishlab chiqarish, kosmetologiya, tarmoq va biznesni boshqarish sohalarida xalqaro ta’lim standartlariga muvofiq malakali kadrlar tayyorlash;
farmatsevtika tarmog‘ida kadrlar tayyorlash tizimini takomillashtirish va modernizatsiya qilishga yo‘naltirilgan innovatsion va samarali ta’lim dasturlari va o‘qitish shakllarini joriy etish;
ta’lim va fanning uzluksizligi va uzviyligi, shuningdek, ularning jahon ta’limi va ilmiy hamjamiyatga integratsiyalashuvi hisobiga mutaxassislar va ilmiy-pedagogik kadrlarni qayta tayyorlash va ularning malakasini oshirishni amalga oshirish;
farmatsevtika ta’limi, fan va ishlab chiqarishning yaqin integratsiyasi uchun shart-sharoitlar yaratish;
farmatsiya, biotexnologiya, biofarmatsiya, farmatsevtika tarmog‘i uchun dori vositalari, tibbiy buyumlar va tibbiy texnikalar ishlab chiqish hamda ularni qo‘llash sohasida fundamental va amaliy tadqiqotlar o‘tkazish;
xorijiy mamlakatlarning yetakchi ta’lim muassasalari, ilmiy-tadqiqot markazlari va ishbilarmon doiralari bilan uzoq muddatli aloqalarni rivojlantirish va mustahkamlash.
Iqtisodiy hamkorlik va taraqqiyot jamg‘armasi (EDCF) liniyalari bo‘yicha Koreya Respublikasi Hukumatining uzoq muddatli imtiyozli kreditlarini jalb qilish orqali o‘z infratuzilmasiga ega bo‘lgan Universitetni tashkil etish to‘g‘risida dastlabki kelishuvga erishilganligi ma’lumot uchun qabul qilinsin.
4. Quyidagilar:
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish konsepsiyasi 1-ilovaga muvofiq;
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish bo‘yicha amaliy chora-tadbirlar rejasi 2-ilovaga muvofiq;
Oldingi tahrirga qarang.
(4-bandning to‘rtinchi xatboshisi O‘zbekiston Respublikasi Prezidentining 2024-yil 10-yanvardagi PQ-14-sonli qaroriga asosan chiqarilgan — Qonunchilik ma’lumotlari milliy bazasi, 11.01.2024-y., 07/24/14/0015-son)
“Tashkent Pharma Park” innovatsion ilmiy-ishlab chiqarish farmatsevtika klasteri hududida transport, muhandislik-kommunikatsiya va ishlab chiqarish infratuzilmasini rivojlantirish dasturi 4-ilovaga muvofiq tasdiqlansin.
5. Quyidagilar:
“Tashkent Pharma Park” innovatsion ilmiy-ishlab chiqarish farmatsevtika klasterining vasiylik kengashi 5-ilovaga muvofiq tarkibda;
Davlat muassasasi shaklidagi “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi (keyingi o‘rinlarda — Direksiya) tashkil etilsin.
Belgilansinki, Direksiya faoliyatini muvofiqlashtirish O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi (keyingi o‘rinlarda — Agentlik) tomonidan amalga oshiriladi.
6. Quyidagilar:
a) Vasiylik kengashining asosiy vazifalari etib belgilansin:
Klaster hududida investitsiya loyihalarini amalga oshirishda davlat organlari faoliyatini muvofiqlashtirish;
ilmiy-texnik ishlanmalarni moliyalashtirish va strategik loyihalarni amalga oshirish uchun xalqaro grantlarni jalb qilishda ko‘maklashish;
Klasterning ilmiy-tadqiqot va ta’lim salohiyatini rivojlantirish yo‘nalishlarini belgilash;
Universitetning moddiy-texnik bazasini mustahkamlashga, uni zamonaviy o‘quv-laboratoriya va tajriba-sanoat uskunalari bilan jihozlashga ko‘maklashish;
mazkur qaror bilan belgilangan vazifalar Direksiya tomonidan bajarilishini monitoring qilish;
b) Direksiyaning asosiy vazifalari etib belgilansin:
ilg‘or xorijiy tajribani, Klasterni xalqaro hamjamiyatga integratsiya qilishni inobatga olgan holda uni rivojlantirish, shuningdek, Klasterning ilmiy-tadqiqot va ishlab chiqarish tashkilotlari o‘rtasida barqaror kooperatsion aloqalarni yo‘lga qo‘yish;
farmatsevtika sohasida birinchi ilmiy shaharchani yaratishda ta’lim, ilmiy va ishlab chiqarish salohiyatidan samarali foydalanish;
qo‘shma ilmiy tadqiqotlarni amalga oshirishda akademik, ta’lim va tarmoq ilm-fani o‘rtasida o‘zaro samarali hamkorlikni ta’minlash;
Klaster a’zolarini ro‘yxatdan o‘tkazish va ularga tegishli guvohnomalarni berish, Klaster ishtirokchilarining reyestrini yuritish;
investorlar va Klaster ishtirokchilari o‘z zimmasiga olgan majburiyatlarini lozim darajada bajarishi ustidan nazoratni amalga oshirish;
Direksiya tomonidan ishlab chiqilgan bosh rejaga muvofiq, Agentlikning qaroriga asosan tasdiqlangan investitsiya loyihalarini Klaster hududida joylashtirish;
sanoat zonasi hududida investitsiya loyihalarining o‘z vaqtida amalga oshirilishi, ishga tushirilishi va Klaster ishtirokchilari samarali faoliyat yuritishini ta’minlash uchun ularga zarur infratuzilma (elektr energiyasi, gaz va suv ta’minoti, kanalizatsiya, kirish yo‘llari va boshqalar) yaratish bilan bog‘liq masalalarni hal etishda amaliy yordam ko‘rsatish;
Klasterni rivojlantirishga xorijiy mutaxassislar va maslahatchilarni jalb qilish;
respublika farmatsevtika tarmog‘ini rivojlantirishning muhim yo‘nalishlarini amalga oshirishda strategik investorlarni aniqlash nuqtai nazaridan Klaster hududida joylashtirish uchun taklif qilinayotgan investitsiya loyihalarini tayyorlash va ekspertiza qilish.
O‘zbekiston Respublikasi Vazirlar Mahkamasi bir oy muddatda Direksiya faoliyatini tashkil etish to‘g‘risida hukumat qarorini qabul qilsin.
7. Belgilansinki,
a) Klaster sanoat zonasi hududida investitsiya loyihalarini amalga oshirish to‘g‘ridan-to‘g‘ri investitsiyalar, jumladan chet el investitsiyalarini jalb qilish hisobiga amalga oshiriladi;
b) investitsiya loyihalarini amalga oshirish to‘g‘risida qaror ushbu loyihaga ilg‘or texnologiyalarni jalb qilish, innovatsiyalarni tatbiq etish darajasi va ishlab chiqarishning raqobatbardoshliligi to‘g‘risida Direksiyaning ijobiy xulosasi olinganidan keyin Agentlik tomonidan qabul qilinadi;
v) Klaster a’zolari hamda Direksiyaga nisbatan O‘zbekiston Respublikasi Prezidentining 2016-yil 26-oktabrdagi “Erkin iqtisodiy zonalar faoliyatini faollashtirish va kengaytirishga doir qo‘shimcha chora-tadbirlar to‘g‘risida”gi PF-4853-son Farmonining 3 va 4-bandlari tatbiq etiladi;
g) Direksiyaning ta’minoti, shu jumladan uning xodimlari mehnatiga haq to‘lash va moddiy rag‘batlantirish, shuningdek, asosiy vositalarni sotib olish quyidagi manbalar hisobidan amalga oshiriladi:
Agentlik qoshidagi O‘zbekiston Respublikasi Farmatsevtika tarmog‘ini qo‘llab-quvvatlash va rivojlantirish budjetdan tashqari jamg‘armasi mablag‘lari;
Direksiya boshqaruvidagi yer uchastkalari, binolar va inshootlarni ijaraga berishdan tushgan tushumlar;
Direksiya tomonidan shartnoma asosida ko‘rsatiladigan xizmatlarni realizatsiya qilishdan tushgan tushumlar;
O‘zbekiston Respublikasi Davlat budjetidan ajratiladigan mablag‘lar;
xorijiy va xalqaro tashkilotlarning grantlari;
jismoniy va yuridik shaxslarning xayriya mablag‘lari;
qonun bilan taqiqlanmagan boshqa manbalar.
Oldingi tahrirga qarang.
d) Klaster hududida yer uchastkalarini ajratish ularni Direksiya tomonidan elektron onlayn auksionga chiqarish orqali O‘zbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari to‘g‘risida”gi PF-5600-son Farmonida belgilangan tartibda amalga oshiriladi.
(7-band O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan “d” kichik band bilan to‘ldirilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
8. Agentlikka Klasterni tashkil etish maqsadida Direksiyaning talabnomalariga ko‘ra O‘zbekiston Respublikasi Farmatsevtika tarmog‘ini qo‘llab-quvvatlash va rivojlantirish budjetdan tashqari jamg‘armasi va “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK mablag‘lari hisobidan quyidagi chora-tadbirlarga to‘lovlarni amalga oshirishga ruxsat berilsin:
(8-bandning birinchi xatboshisi O‘zbekiston Respublikasi Prezidentining 2022-yil 21-yanvardagi PF-55-sonli Farmoni tahririda — Qonunchilik ma’lumotlari milliy bazasi, 22.01.2022-y., 06/22/55/0055-son)
Klaster hududining bosh rejasi va batafsil rejalashtirish loyihasi, loyiha hujjatlarini ishlab chiqish hamda qurilish-montaj ishlarini amalga oshirish;
konsalting va injiniring xizmatlarini ko‘rsatishda ishtirok etadigan xorijiy mutaxassislar va maslahatchilarning mehnatiga haq to‘lash;
Universitet professor-o‘qituvchilarining xorijiy ta’lim va ilmiy-tadqiqot muassasalarida amaliyot o‘tashi bo‘yicha xarajatlar;
jismoniy va yuridik shaxslarga tegishli bo‘lgan yer uchastkasida joylashgan turar joy, ishlab chiqarish binolari va boshqa binolar, inshootlar va daraxtzorlar buzilishi sababli, yer uchastkasi olib qo‘yilganda mulkdorlarga yetkazilgan zararni qoplash.
9. Toshkent viloyati hokimligi bir oy muddatda:
Oldingi tahrirga qarang.
O‘zbekiston Respublikasi Qurilish vazirligi, O‘zbekiston Respublikasi Davlat soliq qo‘mitasi huzuridagi Kadastr agentligi hamda Direksiya bilan birgalikda yer uchastkasining chegaralarini belgilagan holda Klasterni joylashtirish uchun ajratiladigan hududlarni topografik tasvirga olishni ta’minlansin;
Klaster tashkil etish uchun Toshkent viloyati Zangiota tumanida keyinchalik kengaytirish imkoniyatini inobatga olgan holda, umumiy maydoni 130 gektar yer uchastkasi ajratilishini ta’minlasin.
(9-bandning ikkinchi va uchinchi xatboshilari O‘zbekiston Respublikasi Prezidentining 2022-yil 21-yanvardagi PF-55-sonli Farmoni tahririda — Qonunchilik ma’lumotlari milliy bazasi, 22.01.2022-y., 06/22/55/0055-son)
10. Klaster qurilishi doirasida Direksiya, istisno tariqasida, qishloq xo‘jaligiga mo‘ljallanmagan maqsadlarda olib qo‘yiladigan sug‘oriladigan yerlar uchun kompensatsiya to‘lovlarini to‘lashdan ozod qilinsin.
11. Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi har yili tegishli yillar uchun O‘zbekiston Respublikasi Investitsiya dasturining parametrlarini shakllantirishda “Tashkent Pharma Park” innovatsion ilmiy-ishlab chiqarish farmatsevtika klasteri hududida transport, muhandislik-kommunikatsiya va ishlab chiqarish infratuzilmasini rivojlantirish dasturini amalga oshirish uchun kapital qo‘yilmalar limitlarini va zarur markazlashtirilgan investitsiyalar ajratilishini nazarda tutsin.
12. O‘zbekiston Respublikasi Tashqi ishlar vazirligi Agentlik buyurtmanomalariga binoan belgilangan tartibda Klaster hududida investitsiya loyihalarini amalga oshirish davrida jalb qilinadigan xorijiy mutaxassislar, shuningdek, ularning oila a’zolariga konsullik va boshqa yig‘imlarni undirmasdan kirish vizalari rasmiylashtirilishini ta’minlasin.
Oldingi tahrirga qarang.
13. O‘zbekiston Respublikasi Ichki ishlar vazirligi Agentlik buyurtmanomalariga binoan belgilangan tartibda Klaster hududida investitsiya loyihalarini amalga oshirish davrida jalb qilinadigan xorijiy mutaxassislarga davlat boji undirmasdan ko‘p martalik vizalar berilishini va uzaytirilishini, shuningdek, vaqtincha turgan joyi bo‘yicha ro‘yxatga olinishini va uning muddati uzaytirilishini ta’minlasin.
(13-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
14. O‘zbekiston Respublikasi Bandlik va mehnat munosabatlari vazirligi belgilangan tartibda respublikaga ishchi kuchini (O‘zbekiston Respublikasi fuqarosi bo‘lmaganlar orasidan) jalb etishga ruxsatnomalar berilishini (muddati uzaytirilishini), shuningdek, ushbu fuqarolarga O‘zbekiston Respublikasi hududida mehnat faoliyati bilan shug‘ullanish huquqini beruvchi tasdiqnomalar berilishini (muddati uzaytirilishini) ta’minlasin.
15. Mazkur qarorning ijrosini nazorat qilishda quyidagi tartib o‘rnatilsin:
investitsiyalar va tashqi savdo vaziri S.U. Umurzoqov — uzoq muddatli xorijiy imtiyozli kreditlarni o‘z vaqtida jalb qilgan holda belgilangan muddatlarda Klasterni, shu jumladan Universitet va sanoat zonasini tashkil etish bo‘yicha ishlarning samarali tashkil etilishini, mas’ul idoralar va tashkilotlar faoliyati muvofiqlashtirilishini, aniqlangan muammo va kamchiliklar tezkorlik bilan bartaraf etilishini ta’minlasin;
Agentlik direktori v.b. S.X. Kariyev — Klasterni samarali boshqarish tizimini yaratish, uni shakllantirish jarayonida yuzaga keladigan kundalik masalalarni hal qilish, sanoat zonasi hududida yuqori sifatli dori vositalari, tibbiy buyumlar va tibbiy texnika ishlab chiqarish bo‘yicha innovatsion quvvatlarni joylashtirish, ishlab chiqarilayotgan farmatsevtika mahsulotlarining raqobatbardoshligini oshirish, ushbu sohadagi akademik va ilmiy-tadqiqot muhitini rivojlantirishni ta’minlasin;
Toshkent viloyati hokimi R.K. Xolmatov — yer uchastkasining chegaralarini aniqlasin va transport, muhandislik-kommunikatsiya va ishlab chiqarish infratuzilmasini ta’minlagan holda uni Klaster tashkil etish uchun ajratsin, Klaster, shu jumladan Universitet va sanoat zonasi faoliyatini tashkil etishda har tomonlama ko‘maklashsin.
O‘zbekiston Respublikasi Prezidenti Sh. MIRZIYOYEV
Toshkent sh.,
2020-yil 28-yanvar,
PQ-4574-son
O‘zbekiston Respublikasi Prezidentining 2020-yil 28-yanvardagi PQ-4574-son qaroriga
1-ILOVA
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish
konsepsiyasi
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish konsepsiyasi (keyingi o‘rinlarda — Konsepsiya) mamlakatning farmatsevtika tarmog‘ida o‘quv, ilmiy-tadqiqot salohiyatini rivojlantirish tizimini shakllantirishga, eng yaxshi xorijiy o‘quv dasturlari asosida farmatsevtika sohasida kadrlarni o‘qitish va tayyorlashga, chuqur ilm talab qiladigan va yuqori texnologiyali yangi ishlab chiqarishlarni yaratishga qaratilgan.
1-bob. Umumiy qoidalar
Farmatsevtika tarmog‘ining hozirgi tahlili shuni ko‘rsatadiki, mahalliy farmatsevtika bozori va farmatsevtika sanoati zamonaviy sog‘liqni saqlash ehtiyojlarini yetarli darajada qanoatlantirish hamda aholining kasalliklarga chalinish va o‘limlar sonini kamaytirish muammolarini hal qilish imkonini bermayapti.
Tashqi bozorlarga qaramlikni minimallashtirish, farmatsevtika sanoatini har tomonlama takomillashtirish va uni rivojlanishning investitsion modelidan innovatsion modeliga o‘tkazish uchun sharoit yaratish maqsadida mamlakatda dori-darmon xavfsizligini ta’minlash, iqtisodiyotning farmatsevtika sektorini modernizatsiya qilish, chuqur ilm talab qiladigan va yuqori texnologiyali yangi ishlab chiqarishlarni yaratish, tovarlar va xizmatlar eksportini ko‘paytirish, ilg‘or ilmiy-texnik ishlanmalarni moliyalashtirish zarurati mavjud.
Xususan, farmatsevtika tarmog‘i mahsulot turlariga ko‘ra iqtisodiy jihatdan rivojlangan mamlakatlarning shunday tarmoqlaridan orqada qolmoqda. Ayniqsa, ijtimoiy ahamiyatga ega dori-darmonlar, jarrohlik asbob-uskunalari, sterillangan bir martalik kateterlar, o‘tkazuvchi kateterlar, tikuv materiallari, dializatorlar, anestetik va nafas olish uskunalari, kardiojarrohlik, neyrojarrohlik va travmatologiyada yuqori texnologik jarrohlik aralashuvlarda ishlatiladigan materiallar yetishmasligi yaqqol sezilmoqda.
2-bob. Klasterning maqsad va vazifalari
Ushbu Konsepsiya “Tashkent Pharma Park” innovatsion ilmiy-ishlab chiqarish farmatsevtika klasterini (keyingi o‘rinlarda — Klaster) tashkil etishdan ko‘zlangan maqsadlar va uning vazifalarini belgilaydi.
Klasterni tashkil etishdan maqsad respublikaning farmatsevtika tarmog‘ini quyidagi uch yo‘nalishda rivojlantirish hisoblanadi:
farmatsevtika fanini rivojlantirish;
farmatsevtikada ta’lim tizimini takomillashtirish;
chuqur ilm talab qiladigan va yuqori texnologiyali ishlab chiqarishlarni tashkil qilish.
Klasterning vazifalari va faoliyat yo‘nalishlari quyidagilardan iborat:
xalqaro tajribani qo‘llagan holda innovatsion yechimlar (nou-xau) va yuqori texnologiyalarni joriy etish orqali respublikaning farmatsevtika tarmog‘ini rivojlantirish;
zamonaviy o‘quv-laboratoriyalari va ilmiy-tadqiqot markazlari, shuningdek, innovatsion infratuzilmani yaratish;
dori vositalari, tibbiy buyumlar va tibbiy texnikalarni ekspertiza qilish bo‘yicha markaz faoliyatini tashkil etish;
ilmiy-tadqiqot bazasini xalqaro innovatsion tizimga integratsiyalash orqali rivojlantirish;
tajriba va ma’lumotlarning doimiy almashinuvini tashkil etish orqali xorijning ushbu yo‘nalishdagi ilmiy-tadqiqot markazlari bilan hamkorlikni yo‘lga qo‘yish, xalqaro tadqiqot dasturlari, anjumanlar va simpoziumlarda amaliy ishtirok etishni ta’minlash;
dori vositalari va tibbiy buyumlarni ishlab chiqarishga mo‘ljallangan zamonaviy raqobatbardosh ishlab chiqarishlarni tashkil etish uchun, shu jumladan xorijiy farmatsevtika kompaniyalarining investitsiyalari va ilg‘or texnologiyalarini jalb qilish;
farmatsevtika tarmog‘ida talab yuqori bo‘lgan mutaxassisliklar bo‘yicha xalqaro o‘qitish dasturlariga muvofiq malakali kadrlar tayyorlash, shu jumladan innovatsion dori vositalari va tibbiy jihozlarni ishlab chiqish uchun ixtisoslashtirilgan ta’lim infratuzilmasini yaratish;
ilmiy-ta’lim va tadqiqot markazlarining ilmiy-texnik va innovatsion dasturlar, tanlovlar va grantlarda ishtirok etishi uchun shart-sharoitlarni ta’minlash.
3-bob. Klasterni rivojlantirishning asosiy yo‘nalishlari
Klaster ikkita asosiy yo‘nalishdan iborat:
1. Klasterning akademik, ilmiy-tadiqot, klinik oldi va klinik tarkibiy qismlari joylashadigan texnopark yaratish.
2. Yetakchi farmatsevtika kompaniyalari, tibbiy buyumlar va tibbiy texnika ishlab chiqaruvchi korxonalarning ishlab chiqarish maydonlari joylashadigan farmatsevtika sanoat zonasini yaratish.
Farmatsevtika sanoat zonasi hududidagi loyihalarni moliyalashtirish to‘g‘ridan-to‘g‘ri investitsiyalarni, shu jumladan xorijiy investitsiyalarni jalb qilish hisobiga amalga oshiriladi.
Farmatsevtika, kosmetologiya, ishlab chiqarish texnologiyasi, biznesni boshqarish va boshqa sohalar bo‘yicha mutaxassislar tayyorlaydigan ko‘p tarmoqli universitet (keyingi o‘rinlarda — universitet) barpo etish ko‘zda tutiladi. Universitet quyidagi infratuzilmani o‘z ichiga oladi:
yangi dori vositalari va biotexnologik preparatlar ishlab chiqish va ishlab chiqarishga tatbiq qilish, shuningdek, faoliyat ko‘rsatayotgan ishlab chiqarishlarni takomillashtirish, tajriba-eksperimental ishlab chiqarish bilan birga klinik oldi tadqiqotlarni o‘tkazish bo‘yicha ilmiy-tadqiqot markazlari va laboratoriyalar;
o‘quv-ilmiy laboratoriyalari va vivariylar;
farmakopeya markazi;
mehmonxonaga ega simpozium markazi;
talabalar, o‘qituvchilar va chet ellik xodimlar uchun turar joylar;
sport-sog‘lomlashtirish majmuasi, suv havzasi va stadion.
Xalqaro ta’lim muassasasini tashkil etishning ushbu modeli xorijdagi shunday o‘quv muassasalarida qo‘llaniladi.
Shuningdek, klaster modeliga sanoat zonasi ham integratsiyalashtirilgan bo‘lib, unda innovatsion dori vositalari va tibbiy texnika ishlab chiqaruvchi korxonalar joylashtiriladi.
Kelgusida Klaster hududida chet el klinikalari, tibbiyot markazlari va boshqa zarur infratuzilmalarni joylashtirish ko‘zda tutilmoqda, bu esa umuman Klasterni uyg‘un ravishda rivojlantiradi.
Ushbu yo‘nalishlarni amalga oshirish quyidagilarga yordam beradi:
ta’lim jarayonining ilmiy va o‘quv-uslubiy ta’minotini rivojlantirish orqali malakali kadrlar tayyorlash tizimini takomillashtirish;
farmatsevtika tarmog‘ining hozirgi rivojlanish tendensiyalari va ehtiyojlarini inobatga olgan holda farmatsevtika sanoati uchun mutaxassislar tayyorlash sifatini oshirish;
ilmiy-tadqiqot institutlarining moddiy-texnik bazasini jahon standartlariga muvofiq yangilash;
oliy o‘quv yurtlari va ilmiy muassasalar professor-o‘qituvchilarining ilmiy-amaliy jarayondagi ishtirokini moddiy rag‘batlantirish orqali ularning yuqori malakali kadrlar tayyorlashda, yangi ilmiy ishlanmalar va texnologiyalarni joriy etishdagi rolini oshirish;
eng samarali generik dori vositalari turini kengaytirish orqali yangi dori vositalarini ishlab chiqish tizimini takomillashtirish, yanada yaxshilangan farmakokinetik va farmakodinamik xususiyatlarga ega yangi, zamonaviy innovatsion dori shakllari, faol moddani organizmga maqsadli yetkazib berish tizimlarini yaratish;
innovatsion samarali dori vositalari va tayyor dori shakllarini yaratish va ishlab chiqishga yo‘naltirilgan ilmiy tadqiqotlarni davlat tomonidan qo‘llab-quvvatlash;
O‘zbekistondagi o‘simliklar, hayvonlar va mikroorganizmlardan ajratib olingan biologik faol birikmalarning elektron ma’lumotlar bazasini yaratish, farmatsevtika sanoatida ishlatish uchun o‘simliklar, mikroorganizmlar va hayvonlardan biologik faol moddalar olish texnologiyasini ishlab chiqish.
Klasterni rivojlantirish mezonlaridan biri bu ekspertlik markazini tashkil etish, ilmiy-tadqiqot bazasini rivojlantirish, biofarmatsevtika sanoatini rivojlantirishda xalqaro tajribani joriy etish, mahalliy mutaxassislarni umum e’tirof etilgan xalqaro standartlarga muvofiq ravishda o‘qitish, yangi jihozlar, muhandis-texnik kadrlar tayyorlashda zarur bo‘lgan mezon va mutaxassisliklar hisoblanadi.
Klaster rivojlanishining boshqa bir mezoni bu xalqaro klaster hamjamiyatlariga qo‘shilish, xorijiy ilmiy-tadqiqot markazlari va klinikalar bilan sheriklik aloqalarini yo‘lga qo‘yish, xalqaro simpoziumlar, konferensiyalar, yarmarkalar o‘tkazish, Klasterni Markaziy Osiyo mintaqasidagi o‘quv va ilmiy-tadqiqot ishlari markazi sifatida shakllantirish hisoblanadi.
Loyihaning o‘ziga xosligi shundan iboratki, ko‘p tarmoqli universitetda o‘zining ekotizimi yaratiladi, bu esa ta’lim va ilmiy-tadqiqot tarkibiy qismlarining hamohang rivojlanishiga imkon beradi. Ularning barchasi bir-biri bilan o‘zaro bog‘liq bo‘ladi va mahalliy kadrlarni tayyorlash ushbu maydonlarda amalga oshiriladi.
Ko‘p tarmoqli universitetning kampusi (talabalar shaharchasi) quyidagi funksional elementlarni o‘z ichiga oladi:
o‘quv binolari;
o‘quv-ilmiy laboratoriyalar;
ilmiy-tadqiqot markazi;
vivariyga ega klinik oldi tadqiqotlar markazi;
farmakopeya markazi;
o‘quv-ilmiy kutubxona;
ilmiy-tajriba liniyalari;
kovorking markazi, biznes akselerator;
talabalar, o‘qituvchilar va chet ellik xodimlar uchun turar joylar;
sport-sog‘lomlashtirish majmuasi, stadion;
mehmonxonaga ega simpozium markazi.
4-bob. Kutilayotgan natijalar
Konsepsiyani amalga oshirishdan kutilayotgan natijalar quyidagilar bo‘lishi lozim:
aholini farmatsevtika va unga yondosh sohalarda yuqori malakali kadrlar bilan ta’minlash;
farmatsevtika tarmog‘ida tadqiqotlar va ishlanmalarni yanada rivojlantirish uchun ilg‘or ilmiy-texnik bazaning faoliyat olib borishi;
ilm-fan va ta’limni milliy innovatsion tizimning kadrlar ta’minoti sifatida integratsiyalash;
Klaster hududida chuqur ilm talab qiladigan va yuqori texnologiyali ishlab chiqarishlarning faoliyat olib borishi;
farmatsevtika sohasida birinchi “ilm shaharchasi” ning shakllanishi.
5-bob. Loyihani moliyalashtirish
Oldingi tahrirga qarang.
Klasterning ilmiy-ta’lim tarkibiy qismini moliyalashtirish manbai Koreya Eksimbankining Iqtisodiy hamkorlik va taraqqiyot jamg‘armasi (EDCF) liniyasi bo‘yicha 188,7 million AQSh dollari miqdoridagi uzoq muddatli kreditlari hisoblanadi.
(5-bobning birinchi xatboshisi O‘zbekiston Respublikasi Prezidentining 2024-yil 10-yanvardagi PQ-14-sonli qarori tahririda — Qonunchilik ma’lumotlari milliy bazasi, 11.01.2024-y., 07/24/14/0015-son)
Kredit liniyasining shartlari:
loyihaning ijtimoiy yo‘naltirilganligi, loyiha tarkibiy qismlarida tijorat komponentining yo‘qligi;
kredit muddati — 40 yil, shu jumladan imtiyozli davr — 10 yil;
Oldingi tahrirga qarang.
foiz stavkasi: I bosqich uchun — yillik 0,10 foiz, II bosqich uchun — yillik 0,05 foiz.
(5-bobning beshinchi xatboshisi O‘zbekiston Respublikasi Prezidentining 2024-yil 10-yanvardagi PQ-14-sonli qarori tahririda — Qonunchilik ma’lumotlari milliy bazasi, 11.01.2024-y., 07/24/14/0015-son)
Loyihani ikkita fazada qurilish-montaj ishlarini bosqichma-bosqich moliyalashtirish va amalga oshirish bilan ro‘yobga chiqarish ko‘zda tutilgan.
I fazani moliyalashtirish 2019-yil 16-avgustda Seul shahrida “Siyosiy muloqot” (Policy Dialogue) doirasida imzolangan Protokol (“Aide Memoire”) natijalariga binoan 2018 — 2020-yillarga mo‘ljallangan amaldagi Hadli bitim (Framework agreement) doirasida (loyiha 2020-yilga kiritilgan) rejalashtirilgan.
II fazani moliyalashtirish O‘zbekiston uchun kelajakdagi Hadli bitim (Framework agreement) doirasida 2021-yilga rejalashtirilgan.
Qurilish bosqichlari.
I bosqich: ko‘p tarmoqli universitet:
o‘quv binolari;
o‘quv-ilmiy laboratoriyalar;
vivariyga ega klinik oldi tadqiqotlar markazi;
farmakopeya markazi;
o‘quv-ilmiy kutubxona;
sport-sog‘lomlashtirish majmuasi, stadion;
kovorking markazi, biznes akselerator;
talabalar, o‘qituvchilar va chet ellik xodimlar uchun turar joy;
muhandislik kommunikatsiyalari.
II bosqich: ko‘p tarmoqli universitet:
ilmiy-tadqiqot markazi;
ilmiy-tajriba liniyalari;
mehmonxonaga ega simpozium markazi;
muhandislik kommunikatsiyalari.
6-bob. Manfaatdor tomonlarning ishtiroki va maslahatlashuvlar
Loyihaning konseptual qismini amalga oshirishda quyidagi tashkilotlarning yetakchi mutaxassislari ishtirok etdilar:
O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi;
Toshkent vaksinalar va zardoblar ilmiy-tadqiqot instituti;
O‘zbekiston kimyo-farmatsevtika ilmiy-tadqiqot instituti;
Toshkent farmatsevtika instituti;
yetakchi xorijiy va mahalliy farmatsevtika mahsulotlari va tibbiy texnika ishlab chiqaruvchilar.
O‘zbekiston Respublikasi farmatsevtika tarmog‘ining hozirgi holati bo‘yicha tadqiqotlar o‘tkazildi.
Farmatsevtika klasteri tashkil etish masalasini o‘rganish uchun O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi tomonidan O‘zbekiston Respublikasi Iqtisodiyot va sanoat vazirligi ko‘magida Germaniyaning “Berlin Economics” iqtisodiy guruhining O‘zbekistondagi maslahatchilari jalb qilindi. Germaniya guruhi tomonidan O‘zbekistonda farmatsevtika klasterini rivojlantirish va klasterli yechimlarni boshqarish bo‘yicha yo‘l xaritasi ishlab chiqildi.
Koreyalik quyidagi hamkorlar bilan doimiy ravishda maslahatlashuvlar olib borilmoqda:
Koreya Respublikasi Sog‘liqni saqlash va ijtimoiy ta’minot vazirligi;
Koreya Respublikasi Farmatsevtika ishlab chiqaruvchilari uyushmasi (KPBMA);
KBIOHealth — “OSONG” biofarmatsevtik texnoparkining boshqaruv kompaniyasi (Koreya Respublikasi);
KHIDI — Koreya Respublikasi sog‘liqni saqlash va farmatsevtikani rivojlantirish instituti.
O‘zbekiston Respublikasi Prezidentining 2020-yil 28-yanvardagi PQ-4574-son qaroriga
2-ILOVA
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish bo‘yicha amaliy
CHORA-TADBIRLAR REJASI

T/r

Tadbirlar nomlari

Amalga oshirish muddatlari

Moliyalashtirish manbasi

Mas’ul ijrochilar

Vazirlar Mahkamasida nazorat uchun mas’ul

Tayyorgarlik bosqichi

1.

Klasterni tashkil etish uchun yer uchastkasini ajratish va zarur hujjatlarni rasmiylashtirish.

2020-yil
yanvar-fevral

Farmatsevtika tarmog‘ini rivojlantirish agentligi qoshidagi budjetdan tashqari O‘zbekiston Respublikasi Farmatsevtika tarmog‘ini qo‘llab-quvvatlash va rivojlantirish jamg‘armasi (keyingi o‘rinlarda — Farmatsevtika tarmog‘ini rivojlantirish agentligi jamg‘armasi)

Toshkent viloyati hokimligi
(R. Xolmatov),

Farmatsevtika tarmog‘ini rivojlantirish agentligi

(S. Kariyev)

A. Aripov

2.

Klaster tashkil etish maqsadida yer uchastkasi olib qo‘yishda jismoniy va yuridik shaxslarga tegishli bo‘lgan turar joy, ishlab chiqarish binolari, boshqa binolar va inshootlarni buzish bilan bog‘liq zararlarni qoplash masalalarini hal qilish.

2020-yil
yanvar-fevral

Farmatsevtika tarmog‘ini rivojlantirish agentligi jamg‘armasi

Toshkent viloyati hokimligi
(R. Xolmatov)

Davergeodezkadastr (A. Abdullayev),

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

J. Qo‘chqorov

3.

Klaster direksiyasi faoliyatini tashkil etish to‘g‘risida, jumladan Klaster direksiyasining shtatlar jadvalini tasdiqlash, asosiy vositalar va moddiy-texnika bazasini sotib olishni ko‘zda tutuvchi hukumat qarorini qabul qilish.

2020-yil

fevral-mart

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Adliya vazirligi
(R. Davletov)

Moliya vazirligi
(T. Ishmetov)

J. Qo‘chqorov

4.

Klasterning vaqtinchalik dala ofisini qurish.

2020-yil

may — avgust

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev)

A. Ramatov

I bosqich

Klasterning sanoat obyektlarini va ilmiy-o‘quv qismi I fazasini qurish (amalga oshirish muddati: 2020 — 2023-yillar)

5.

O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligining “Dori vositalari, tibbiy buyumlar va
tibbiy texnika ekspertizasi va standartlashtirish davlat markazi” DUKning yangi binosi qurilishi.

2020-yil iyun — 2022-yil mart

Farmatsevtika tarmog‘ini rivojlantirish agentligi jamg‘armasi,
“Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK mablag‘lari hamda
qonun hujjatlarida taqiqlanmagan boshqa moliyaviy manbalar.

Farmatsevtika tarmog‘ini rivojlantirish agentligi

(S. Kariyev)

A. Ramatov

6.

Direksiyaning ma’muriy binosini qurish.

2020-yil iyun — 2021-yil may

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev)

A. Ramatov

7.

Klasterning sanoat qismi uchun istiqbolli loyihalarning investitsiya paketlarini shakllantirish.

2020-yil
mart-aprel

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

8.

Klasterning sanoat zonasini rivojlantirish uchun xorijiy investorlarni jalb qilish maqsadida “roud-shou” o‘tkazish.

Doimiy ravishda (investitsion paketlar shakllantirilgandan so‘ng)

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

9.

Klasterning sanoat zonasi loyihalarini birgalikda amalga oshirish uchun xorijiy hamkorlarni aniqlash.

2020-yil
oktabr

—

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

10.

Klasterning sanoat zonasi loyihalarini amalga oshirish uchun yer maydonlarini ajratish.

2020-yil
noyabr

—

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

11.

Tashqi infratuzilmani Klaster hududigacha olib kelish.

2020-yil
avgust

2020 — 2022-yillarga mo‘ljallangan Investitsiya dasturi doirasida ajratiladigan mablag‘lar

Toshkent viloyati hokimligi

(R. Xolmatov),
Uy-joy kommunal xizmat ko‘rsatish vazirligi (M. Saliyev),

“O‘zbektelekom” AK (N. Xasanov),

Energetika vazirligi

(A. Sultanov),

“O‘ztransgaz” AJ

(U. Sayidov)

O‘zbekiston Respublikasi Transport vazirligi huzuridagi Avtomobil yo‘llari qo‘mitasi

(A. Abduvaliyev)

A. Ramatov

12.

Klasterning sanoat zonasida qurilish-montaj ishlarini boshlash.

2020-yil
dekabr

To‘g‘ridan-to‘g‘ri, shu jumladan xorijiy investitsiyalar

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

13.

Klasterning ilmiy-o‘quv zonasi I faza loyihasi texnik-iqtisodiy asosini ishlab chiqish uchun maslahatchini tanlash.

2020-yil
yanvar-fevral

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

14.

Butun farmatsevtika klasterini yaratish bo‘yicha bosh rejani o‘z ichiga olgan loyihaning texnik-iqtisodiy asosini (I faza) ishlab chiqish va belgilangan tartibda kelishish.

2020-yil
aprel-may

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

J. Qo‘chqorov

15.

Loyihaning texnik-iqtisodiy asosini (I faza) Koreya tomoni bilan kelishish.

2020-yil
iyul-avgust

—

Investitsiyalar va tashqi savdo vazirligi
(L. Kudratov),

Farmatsevtika tarmog‘ini rivojlantirish agentligi

(S. Kariyev)

A. Aripov

16.

EDCF jamg‘armasi bilan farmatsevtika klasterining ilmiy-o‘quv qismini tashkil etish (I faza) bo‘yicha loyihani muhokama qilish bayonini (MOD) imzolash.

2020-yil
sentabr-oktabr

—

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

A. Aripov

17.

EDCF jamg‘armasi bilan farmatsevtika klasterining ilmiy-o‘quv qismini tashkil etish (I faza) bo‘yicha imtiyozli moliyalashtirish shartlarini kelishish va qarz shartnomasini imzolash.

2020-yil
noyabr

—

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

J. Qo‘chqorov

18.

Farmatsevtika klasterining ilmiy-o‘quv qismini tashkil etish (I faza) bo‘yicha Koreya maslahatchilarini aniqlash uchun tender o‘tkazish.

2021-yil
fevral

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

19.

Koreya maslahatchilari tomonidan I fazani amalga oshirish rejasini va loyiha-smeta hujjatlarini ishlab chiqish.

2021-yil
sentabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi
(S. Kariyev),

Investitsiyalar va tashqi savdo vazirligi
(L. Kudratov)

A. Aripov

20.

I fazani tashkil etish uchun bosh pudratchini tanlash.

2021-yil
dekabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

21.

I fazani amalga oshirish doirasida zarur jihozlar va inventarlar ro‘yxatini aniqlash va ularni yetkazib berish tartib-taomillarini boshlash.

2021-yil
dekabr

Koreya Eksimbankining EDCF jamg‘armasi

Davlat bojxona qo‘mitasi

(M. Azimov),

Farmatsevtika tarmog‘ini rivojlantirish agentligi

(S. Kariyev)

A. Ramatov

22.

Qurilish-montaj ishlarini boshlash (I faza).

2022-yil
yanvar

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov,

A. Aripov

23.

Klaster kadrlar zaxirasining malakasini oshirish uchun stajirovkalarni o‘tkazish.

2020-yil maydan boshlab (doimiy ravishda)

“KOICA” agentligi,

Koreya Eksimbankining EDCF jamg‘armasi,

Farmatsevtika tarmog‘ini rivojlantirish agentligi jamg‘armasi,

“El-yurt umidi” jamg‘armasi

Farmatsevtika tarmog‘ini rivojlantirish agentligi
(S. Kariyev),

Investitsiyalar va tashqi savdo vazirligi
(L. Kudratov),

Tashqi ishlar vazirligi
(A. Kamilov),

“El-yurt umidi” jamg‘armasi
(A. Bekmuradov)

A. Aripov

24.

O‘rnatish va ishga tushirish ishlari.

2023-yil
noyabr-dekabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev)

A. Ramatov

25.

Ifazani foydalanishga topshirish.

2023-yil
dekabr

—

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

II bosqich

Klasterning ilmiy-o‘quv qismi II faza obyektlarini qurish (amalga oshirish muddati: 2021 — 2024-yillar)

26.

Klasterning ilmiy-o‘quv qismi II fazasi loyihasining texnik-iqtisodiy asosini ishlab chiqish uchun maslahatchini tanlash.

2021-yil
yanvar

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

27.

Loyihaning texnik-iqtisodiy asosini ishlab chiqish va belgilangan tartibda kelishish (II faza).

2021-yil
aprel-may

Farmatsevtika tarmog‘ini rivojlantirish agentligi jamg‘armasi

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

J. Qo‘chqorov

28.

Loyihaning texnik-iqtisodiy asosini (II faza) Koreya tomoni bilan kelishish.

2021-yil
iyul-avgust

—

Investitsiyalar va tashqi savdo vazirligi
(L. Kudratov),

Farmatsevtika tarmog‘ini rivojlantirish agentligi

(S. Kariyev)

A. Aripov

29.

EDCF jamg‘armasi bilan farmatsevtika klasterining ilmiy-o‘quv qismini tashkil etish (II faza) bo‘yicha loyihani muhokama qilish bayonini (MOD) imzolash.

2021-yil
sentabr-oktabr

—

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

J. Qo‘chqorov

30.

EDCF jamg‘armasi bilan farmatsevtika klasterining ilmiy-o‘quv qismini tashkil etish (II faza) bo‘yicha imtiyozli moliyalashtirish shartlarini kelishish va qarz shartnomasini imzolash.

2021-yil
noyabr

—

Farmatsevtika tarmog‘ini rivojlantirish agentligi

(S. Kariyev),

Moliya vazirligi
(T. Ishmetov),

Investitsiyalar va tashqi savdo vazirligi
(L. Kudratov)

J. Qo‘chqorov

31.

II fazani amalga oshirish bo‘yicha Koreya maslahatchilarini aniqlash uchun tender o‘tkazish.

2022-yil
fevral

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

32.

Koreya maslahatchilari tomonidan II fazani amalga oshirish rejasini va loyiha-smeta hujjatlarini ishlab chiqish.

2022-yil
sentabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Aripov

33.

Loyiha bo‘yicha bosh pudratchini tanlash (II faza).

2022-yil
dekabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

34.

Zarur jihozlar va inventarlar ro‘yxatini aniqlash va ularni yetkazib berish tartib-taomillarini boshlash.

2022-yil
dekabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Davlat bojxona qo‘mitasi

(M. Azimov)

A. Ramatov

35.

Qurilish-montaj ishlarini boshlash (II faza).

2023-yil
yanvar

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

36.

O‘rnatish va ishga tushirishishlari.

2024-yil
oktabr-noyabr

Koreya Eksimbankining EDCF jamg‘armasi

Farmatsevtika tarmog‘ini rivojlantirish agentligi

(S. Kariyev)

A. Ramatov

37.

Foydalanishga topshirish (II faza).

2024-yil
dekabr

—

Farmatsevtika tarmog‘ini rivojlantirish agentligi

(S. Kariyev),

Investitsiyalar va tashqi savdo vazirligi
(L. Kudratov)

A. Ramatov

Oldingi tahrirga qarang.
(3-ilova O‘zbekiston Respublikasi Prezidentining 2024-yil 10-yanvardagi PQ-14-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 11.01.2024-y., 07/24/14/0015-son)
O‘zbekiston Respublikasi Prezidentining 2020-yil 28-yanvardagi PQ-4574-son qaroriga
4-ILOVA
“Tashkent Pharma Park” innovatsion ilmiy-ishlab chiqarish farmatsevtika klasteri hududida transport, muhandislik-kommunikatsiya va ishlab chiqarish infratuzilmasini rivojlantirish
dasturi

T/r

Tadbirlar nomi

Amalga oshirish mexanizmi

Qiymati
(mln.so‘m)*

Amalga oshirish muddatlari

Mas’ul ijrochilar

1.

Ichimlik suvi tizimini klaster hududigacha olib kelish.

2 ta yer osti qudug‘i, 2 ta ETSV nasosi, 1 ta 600 m3 rezervuar (RCHV), 2 ta yuqori bosimli nasos, 2 ta PO‘ni boshqarish shiti, 1 ta transformator, 2 ta suvni zararsizlantirish uskunasi, har bir liniyada nazorat zulflari va yong‘in gidrantlarini o‘rnatish, shuningdek, 5,5 km masofaga quvur tortish.

7800

2020-yil
1-avgust

Uy-joy kommunal xizmat ko‘rsatish vazirligi
(M. Saliyev),

Toshkent viloyati hokimligi (R. Xolmatov)

2.

Kanalizatsiya tizimini klaster hududigacha olib kelish.

1 ta oqova inshootini (KNS) qurish, 2 ta nasos, 2 ta boshqaruv shiti, 2 ta dezinfeksiyalash uskunasi, 1 ta transformator o‘rnatish. 3,5 km masofaga oqava tarmog‘ini tortish.

4200

2020-yil
1 iyun

Uy-joy kommunal xizmat ko‘rsatish vazirligi
(M. Saliyev),

Toshkent viloyati hokimligi (R. Xolmatov)

3.

Aloqa, internet, IP telefoniya tizimlarini klaster hududigacha o‘rnatish.

956-ATS telekommunikatsiya uzelidan klaster hududigacha 7,7 km optik tolali kabel tortish, 44 ta telefon quduqlari (KKS-2) va 7,0 kmga D-100 polietilen quvuri o‘tkazgan holda uzunligi 7,7 km (mavjud telefon quduqlari orqali 4,2 km, qurish orqali 3,5 km) optik tolali aloqa liniyasini tortish.

420

2020yil
1 iyun

“O‘zbektelekom” AK

(N. Xasanov),

Toshkent viloyati hokimligi (R. Xolmatov)

4.

Elektr tarmoqlarini Klaster hududigacha o‘rnatish.

1. Elektr energiyaning asosiy manbai bo‘lgan 35/10 kV kuchlanishli “Yoqub” KSdan klaster hududigacha, 2 ta qismga alohida yacheyka o‘rnatgan holda elektr kabel tarmog‘ini ulash, 1 ta transformator o‘rnatish.

2. 35/10 kV kuchlanishli “Yoqub” KSdan chiquvchi 10 kV kuchlanishli “Qo‘rg‘on-1” fiderasidan zaxira elektr havo (kabel) tarmog‘ini o‘tkazish, 1 ta transformator o‘rnatish.

1780

2020-yil
1-iyul

“Hududiy elektr tarmoqlari” AJ
(U. Mustafoyev),

Toshkent viloyati hokimligi (R. Xolmatov)

5.

Klaster hududigacha gaz ta’minoti tarmoqlarini o‘rnatish.

Qibray tumani, Oq qovoq shaharchasi, “SoyuzNIXI GTS” kollektoridan D-219 mm yuqori bosimli yer osti gaz quvuridan tabiiy gazni klaster hududigacha uzunligi 2,0 km, taxminiy diametri 159 mm gaz quvuri orqali olib kelish.

1680

2020-yil
1-iyul

“O‘ztransgaz” AJ
(U. Sayidov),

Toshkent viloyati hokimligi (R. Xolmatov),

6.

Klaster hududigacha avtotransport yo‘llarini tortish, ta’mirlash va rekonstruksiya qilish.

15200 kv.m masofada 4K693 avtomobil yo‘lini (Ulug‘bek — Oq qovoq — Chirchiq 0 — 8 km) ta’mirlash.

1850

2020-yil
1-iyun

Transport vazirligi huzuridagi Avtomobil yo‘llari qo‘mitasi

(A. Abduvaliyev),

Toshkent viloyati hokimligi (R. Xolmatov)

Izoh:
2020 — 2022-yillarga O‘zbekiston Respublikasining Investitsiya dasturi doirasida ajratiladigan mablag‘lar moliyalashtirish manbalari hisoblanadi;
xarajatlarning qiymati taxminiy bo‘lib, yakuniy qiymat ko‘rsatkichlari batafsil loyiha-smeta hujjatlarini tayyorlash, tovarlarni (ishlarni, xizmatlarni) yetkazib berish bo‘yicha tender savdolari natijalariga ko‘ra aniqlanadi.
O‘zbekiston Respublikasi Prezidentining 2020-yil 28-yanvardagi PQ-4574-son qaroriga
5-ILOVA
“Tashkent Pharma Park” innovatsion ilmiy-ishlab chiqarish farmatsevtika klasterining vasiylik kengashi
TARKIBI

1.

S.U. Umurzoqov

—

O‘zbekiston Respublikasi investitsiyalar va tashqi savdo vaziri, Vasiylik kengashi raisi

2.

S.X. Kariyev

—

O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi direktori v.b.

3.

B.K. Yusupaliyev

—

O‘zbekiston Respublikasi sog‘liqni saqlash vazirining birinchi o‘rinbosari

4.

Sh.R. Rajabbayev

—

O‘zbekiston Respublikasi innovatsion rivojlanish vazirining birinchi o‘rinbosari v.b.

5.

B.Sh. Usmonov

—

O‘zbekiston Respublikasi iqtisodiyot va sanoat vaziri o‘rinbosari

6.

R.K. Xolmatov

—

Toshkent viloyati hokimi

7.

X.K. Jalilov

—

Davlat farmakopeyasi bosh muharriri

8.

A.A. Ashurov

—

Toshkent vaksina va zardoblar ilmiy-tadqiqot instituti direktori

9.

A.A. Komilov

—

“Dori-Darmon” AK boshqaruvi raisining o‘rinbosari

10.

S.R. Isanbayev

—

“Dentafill Plyus” MChJ direktori

11.

A.A. Soipov

—

“Jurabek Laboratories” MChJ QK tijorat direktori

Izoh: Vasiylik kengashi a’zolari boshqa ishga o‘tgan taqdirda, uning tarkibiga ushbu lavozimga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi.

(Qonun hujjatlari ma’lumotlari milliy bazasi, 28.01.2020-y., 07/20/4574/0085-son; 27.01.2021-y., 06/21/6146/0065-son; Qonunchilik ma’lumotlari milliy bazasi, 22.01.2022-y., 06/22/55/0055-son; 13.06.2022-y., 06/22/153/0518-son; 11.01.2024-y., 07/24/14/0015-son)