PQ-4666 07.04.2020

a) ta’lim bosqichidan qat’i nazar 2-ilovaga muvofiq chet tilini bilish darajasi to‘g‘risidagi xalqaro sertifikatga ega bo‘lgan tibbiyot oliy ta’lim muassasalari talabalariga (mutaxassislik fanlarni “qoniqarli” bahoga o‘zlashtirayotgan talabalardan tashqari) Talabalarni rag‘batlantirish jamg‘armasi mablag‘lari hisobidan har oylik stipendiyasiga bazaviy stipendiya miqdorida qo‘shimcha to‘lov amalga oshiriladi;

b) davlat tibbiyot muassasalarining xalqaro e’tirof etilgan tashkilotlarning (Quacquarelli Symonds World University Rankings, Times Nigher Education, Academic Ranking of World Universities) reytingidagi tibbiyot yo‘nalishida birinchi 200 o‘rinni egallagan oliy ta’lim muassasalarida klinik ordinatura (rezidentura) va magistratura mutaxassisligini tamomlagan, shuningdek, falsafa doktori (PhD) yoki fan doktori (DSc) ilmiy darajasini olgan xodimlari lavozim maoshiga quyidagi miqdorda har oylik qo‘shimcha ustama to‘lanadi:

klinik ordinatura (rezidentura) va magistratura mutaxassisligini tamomlagan xodimga — mehnatga haq to‘lashni eng kam miqdorining yetti baravariga teng miqdorda;

falsafa doktori (PhD) yoki fan doktori (DSc) ilmiy darajasini olgan xodimga — mehnatga haq to‘lashni eng kam miqdorining o‘n besh baravariga teng miqdorda.

Mazkur bandda nazarda tutilgan xarajatlar O‘zbekiston Respublikasi Davlat budjeti mablag‘lari hisobidan qoplanadi.

5. Vazirlik O‘zbekiston Respublikasi Oliy va o‘rta maxsus ta’lim vazirligi va Innovatsion sog‘liqni saqlash milliy palatasi bilan birgalikda:

a) uch oy muddatda jamoat salomatligi va sanitariya-epidemiologiya nazorati xizmatlari sohasida oliy ma’lumotli kadrlarni tayyorlash bo‘yicha alohida tibbiyot oliy ta’lim muassasasini tashkil qilish va o‘quv jarayonini 2020/2021 o‘quv yilidan boshlashni nazarda tutadigan O‘zbekiston Respublikasi Prezidenti qarori loyihasini Vazirlar Mahkamasiga kiritsin;

b) 2021-yil 1-yanvarga qadar:

N.I. Pirogov nomidagi Rossiya milliy tadqiqot tibbiyot universiteti hamda Turkiya Baxchishehir universitetining filiallari va klinikalarini O‘zbekistonda tashkil etish yuzasidan;

mamlakatimizdagi tibbiyot oliy ta’lim muassasalarida xalqaro reytinglarga kiruvchi nufuzli xorijiy tibbiyot ta’lim muassasalari bilan hamkorlikda qo‘shma ta’lim dasturlari asosida xalqaro fakultetlar, shuningdek, filiallarni ochish yuzasidan takliflarni O‘zbekiston Respublikasi Vazirlar Mahkamasiga kiritsin.

6. O‘zbekiston Respublikasi Oliy va o‘rta maxsus ta’lim vazirligi, Vazirlik Toshkent shahridagi Xalqaro Vestminster va Akfa universitetlarini jalb qilgan holda ushbu universitetlar hamda tibbiyot oliy ta’lim muassasalarida 2020/2021 o‘quv yilidan boshlab sog‘liqni saqlash sohasi uchun menejer mutaxassislarni (Master of Healthcare Administration) tayyorlash bo‘yicha magistrlik yo‘nalishini joriy qilish yuzasidan zarur chora-tadbirlarni amalga oshirsin.

Oldingi tahrirga qarang.

Moliya vazirligi 2022/2023 o‘quv yilida sog‘liqni saqlash sohasi uchun 50 nafar menejer mutaxassislarni magistrlik yo‘nalishi bo‘yicha davlat granti asosida tayyorlash bilan bog‘liq xarajatlarni qoplash choralarini ko‘rsin.

(6-bandning ikkinchi xatboshisi O‘zbekiston Respublikasi Prezidentining 2021-yil 24-dekabrdagi PQ-61-sonli qarori tahririda — Qonunchilik ma’lumotlari milliy bazasi, 25.12.2021-y., 07/21/61/1195-son)

7. Vazirlik O‘zbekiston Respublikasi Oliy va o‘rta maxsus ta’lim vazirligi bilan birgalikda 2020-yil 1-avgustga qadar mutaxassislik yo‘nalishlarida asosiy hisoblangan xalqaro tan olingan mualliflarning adabiyotlari, shuningdek, profilaktika, diagnostika va davolashning zamonaviy usullarini qo‘llash bo‘yicha xorijiy darsliklarni mualliflik huquqlar talablariga rioya qilgan holda belgilangan tartibda o‘zbek tiliga tarjima qilish asosida tibbiyot oliy ta’lim muassasalarining bakalavriat, magistratura va klinik ordinatura o‘quv dasturlarini qayta ko‘rib chiqsin.

Bunda ushbu tadbirlarni moliyalashtirish Vazirlik va tibbiyot oliy ta’lim muassasalarining budjetdan tashqari mablag‘lari hamda O‘zbekiston Respublikasining davlat budjeti mablag‘lari hisobidan amalga oshiriladi.

8. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi, Vazirlik hamda Oliy va o‘rta maxsus ta’lim vazirligining 2020-yil 1-sentabrdan Nukus, Andijon, Buxoro, Samarqand, Urganch va Farg‘ona shaharlarida joylashgan tibbiyot oliy ta’lim muassasalarida belgilangan tartibda falsafa doktori (PhD) va fan doktori (DSc) ilmiy darajalarini beruvchi ilmiy kengashlar tashkil etish to‘g‘risidagi taklifi ma’qullansin.

9. Vazirlikning:

Toshkent vrachlar malakasini oshirish institutini Tibbiyot xodimlarining kasbiy malakasini rivojlantirish markazi (keyingi o‘rinlarda — Markaz) etib qayta tashkil etish;

Toshkent shahridagi 1-son Respublika klinik shifoxonasi negizida Markazning ko‘p tarmoqli klinikasini tuzish;

tibbiyot oliy ta’lim muassasalari mavjud bo‘lmagan hududlarda (Jizzax, Qashqadaryo, Navoiy, Namangan va Sirdaryo viloyatlarida) hududiy ko‘p tarmoqli tibbiyot markazlarida Markazning filiallarini ochish;

Markazda 2021-yilgi O‘zbekiston Respublikasining ijtimoiy va ishlab chiqarish infratuzilmasini rivojlantirish dasturi mablag‘lari hisobidan xalqaro standartlarga javob beradigan o‘quv-simulatsion markazini tashkil qilish to‘g‘risidagi takliflariga rozilik berilsin.

10. O‘zbekiston Respublikasi Sog‘liqni saqlash vazirligi huzuridagi Tibbiyot xodimlarining kasbiy malakasini rivojlantirish markazi tuzilmasi 3-ilovaga muvofiq tasdiqlansin.

Belgilansinki:

Markaz Toshkent vrachlar malakasini oshirish institutining barcha huquqlari, majburiyatlari va shartnomalari bo‘yicha huquqiy vorisi hisoblanadi;

Markazning ko‘p tarmoqli klinikasi muassisi Markaz hisoblanadi hamda uning faoliyati Markaz tomonidan muvofiqlashtiriladi;

Markaz direktorining davolash ishlari bo‘yicha o‘rinbosari bir vaqtning o‘zida Markazning ko‘p tarmoqli klinikasi bosh shifokori hisoblanadi.

O‘zbekiston Respublikasi Vazirlar Mahkamasi bir oy muddatda Markaz faoliyatini tashkil qilish bo‘yicha Hukumat qarorini qabul qilsin.

11. Uzluksiz kasbiy tibbiyot ta’limida to‘planadigan kreditlar hajmi 4-ilovaga muvofiq belgilansin.

12. Tibbiy-sanitariya va farmatsevtika kadrlarining uzluksiz kasbiy malakasini oshirish tizimida 2020-yil 1-sentabrdan boshlab akkreditatsiyadan o‘tmasdan, Vazirlik tomonidan har yili tasdiqlanadigan o‘quv dasturlari asosida o‘qitish huquqi quyidagi muassasa va tashkilotlarga taqdim etilsin:

O‘zbekiston Respublikasining Davlat budjeti mablag‘lari hisobidan va pullik asosda — respublika ixtisoslashtirilgan ilmiy-amaliy tibbiyot markazlari, tibbiyot va farmatsevtika sohasidagi ilmiy-tadqiqot institutlari va hududiy ko‘p tarmoqli tibbiyot markazlari;

pullik asosda — nodavlat tibbiyot oliy ta’lim muassasalari hamda tegishli tibbiy-sanitariya mutaxassisliklar bo‘yicha o‘quv-simulatsion markazi (shu jumladan mobil o‘quv-simulatsion markaz) va ilmiy darajaga ega mutaxassislari mavjud bo‘lgan xususiy tibbiyot tashkilotlari.

Belgilansinki, tuman (shahar) tibbiyot birlashmalari, shu jumladan birlamchi tibbiyot-sanitariya yordami muassasalari xodimlarining uzluksiz kasbiy malakasini oshirish mazkur bandda belgilangan muassasa va tashkilotlar tomonidan joylarda tashkil etiladigan sayyor sikllar va masofadan turib o‘qitish asosida amalga oshiriladi.

Vazirlik uzluksiz kasbiy malaka oshirish tizimida tibbiyot xodimlarini o‘qitish bilan shug‘ullanadigan tashkilotlarga yuqori malakali xorijiy mutaxassislarni jalb qilgan holda maxsus o‘quv kurslarini tashkil qilishda yaqindan ko‘maklashsin.

13. Belgilab qo‘yilsinki, 2021-yil 1-yanvardan boshlab:

shifokorlar uchun har 5 yilda malaka toifasini olish bo‘yicha majburiy attestatsiyadan o‘tish tartibi kiritiladi hamda ularga qulaylik yaratish va shaffof o‘tkazilishini ta’minlash uchun attestatsiyani onlayn tartibda audio va videokuzatuv ostida tashkil etish tizimi joriy etiladi;

birlamchi tibbiy-sanitariya yordami muassasalari tibbiyot xodimlarini attestatsiyadan o‘tkazish uchun to‘lov bekor qilinadi.

14. Tibbiy-sanitariya va farmatsevtika kadrlari uchun malaka oshirishni nazarda tutuvchi uzluksiz kasbiy ta’lim tizimini joriy etgan tibbiyot oliy ta’lim muassasalari (shu jumladan nodavlat tibbiyot oliy ta’lim muassasalari), respublika ixtisoslashtirilgan ilmiy-amaliy tibbiyot markazlari va ularning filiallari, ilmiy-tadqiqot institutlari, hududiy ko‘p tarmoqli tibbiyot markazlari va nodavlat tibbiyot tashkilotlariga malaka oshirishdan muvaffaqiyatli o‘tgan mutaxassislarga o‘tilgan o‘qish kreditlari ko‘rsatilgan holda Vazirlik tomonidan belgilanadigan namunadagi sertifikat rasmiylashtirish huquqi berilsin.

15. Vazirlik O‘zbekiston Respublikasi Adliya vazirligi hamda boshqa manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.

16. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining maslahatchisi A.A. Abduvaxitov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2020-yil 7-aprel,

PQ-4666-son

O‘zbekiston Respublikasi Prezidentining 2020-yil 7-apreldagi PQ-4666-son qaroriga
1-ILOVA

Abu Ali ibn Sino nomidagi Jamoat salomatligi texnikumlari etib qayta tashkil etiladigan O‘zbekiston Respublikasi Sog‘liqni saqlash vazirligi tizimidagi tibbiyot kollejlari

RO‘YXATI

T/r	Hudud	Kollej nomi	Kollejlar negizida tashkil etiladigan Abu Ali ibn Sino nomidagi Jamoat salomatligi texnikumlari
1.	Qoraqalpog‘iston Respublikasi	Nukus tibbiyot kolleji	Nukus Abu Ali ibn Sino nomidagi Jamoat salomatligi texnikumi
2.		Qo‘ng‘irot tibbiyot kolleji	Qo‘ng‘irot Abu Ali ibn Sino nomidagi Jamoat salomatligi texnikumi
3.		Xo‘jayli tibbiyot kolleji	Xo‘jayli Abu Ali ibn Sino nomidagi Jamoat salomatligi texnikumi
4.	Andijon viloyati	Andijon tibbiyot kolleji	Andijon Abu Ali ibn Si�o nomidagi Jamoat salomatligi texnikumi
5.		Bo‘ston tibbiyot kolleji	Bo‘ston Abu Ali ibn Sino nomidagi Jamoat salomatligi texnikumi
6.		Qo‘rg‘ontepa tibbiyot kolleji	Qo‘rg‘ontepa Abu Ali ibn Sino nomidagi Jamoat salomatligi texnikumi
7.		Paxtaobod tibbiyot kolleji	Paxtaobod Abu Ali ibn Sino nomidagi Jamoat salomatligi texnikumi
8.	Buxoro viloyati	Buxoro tibbiyot kolleji	Buxoro Abu Ali ibn Sino nomidagi Jamoat salomatligi texnikumi
9.		Afshona tibbiyot kolleji	Afshona Abu Ali ibn Sino nomidagi Jamoat salomatligi texnikumi
10.		Qorako‘l tibbiyot kolleji	Qorako‘l Abu Ali ibn Sino nomidagi Jamoat salomatligi texnikumi
11.	Jizzax viloyati	Jizzax tibbiyot kolleji	Jizzax Abu Ali ibn Sino nomidagi Jamoat salomatligi texnikumi
12.		Do‘stlik tibbiyot kolleji	Do‘stlik Abu Ali ibn Sino nomidagi Jamoat salomatligi texnikumi
13.		Zomin tibbiyot kolleji	Zomin Abu Ali ibn Sino nomidagi Jamoat salomatligi texnikumi
14.	Qashqadaryo viloyati	Qarshi tibbiyot kolleji	Qarshi Abu Ali ibn Sino nomidagi Jamoat salomatligi texnikumi
15.		Muborak tibbiyot kolleji	Muborak Abu Ali ibn Sino nomidagi Jamoat salomatligi texnikumi
16.		Shahrisabz tibbiyot kolleji	Shahrisabz Abu Ali ibn Sino nomidagi Jamoat salomatligi texnikumi
17.	Namangan viloyati	Namangan tibbiyot kolleji	Namangan Abu Ali ibn Sino nomidagi Jamoat salomatligi texnikumi
18.		Kosonsoy tibbiyot kolleji	Kosonsoy Abu Ali ibn Sino nomidagi Jamoat salomatligi texnikumi
19.		Chortoq tibbiyot kolleji	Chortoq Abu Ali ibn Sino nomidagi Jamoat salomatligi texnikumi
20.		Norin tibbiyot kolleji	Norin Abu Ali ibn Sino nomidagi Jamoat salomatligi texnikumi
21.	Navoiy viloyati	Navoiy tibbiyot kolleji	Navoiy Abu Ali ibn Sino nomidagi Jamoat salomatligi texnikumi
22.	Navoiy viloyati	Xatirchi tibbiyot kolleji	Xatirchi Abu Ali ibn Sino nomidagi Jamoat salomatligi texnikumi
23.	Samarqand viloyati	Samarqand tayanch tibbiyot kolleji	Samarqand Abu Ali ibn Sino nomidagi Jamoat salomatligi texnikumi
24.	Samarqand viloyati	Ishtixon tibbiyot kolleji	Ishtixon Abu Ali ibn Sino nomidagi Jamoat salomatligi texnikumi
25.	Samarqand viloyati	Kattaqo‘rg‘on tibbiyot kolleji	Kattaqo‘rg‘on Abu Ali ibn Sino nomidagi Jamoat salomatligi texnikumi
26.		Pastdarg‘om tibbiyot kolleji	Pastdarg‘om Abu Ali ibn Sino nomidagi Jamoat salomatligi texnikumi
27.		Paxtachi tibbiyot kolleji	Paxtachi Abu Ali ibn Sino nomidagi Jamoat salomatligi texnikumi
28.		Siyob tibbiyot kolleji	Siyob Abu Ali ibn Sino nomidagi Jamoat salomatligi texnikumi
29.		Urgut tibbiyot kolleji	Urgut Abu Ali ibn Sino nomidagi Jamoat salomatligi texnikumi
30.	Sirdaryo viloyati	Sirdaryo tibbiyot kolleji	Sirdaryo Abu Ali ibn Sino nomidagi Jamoat salomatligi texnikumi
31.	Surxondaryo viloyati	Denov tibbiyot kolleji	Denov Abu Ali ibn Sino no�idagi Jamoat salomatligi texnikumi
32.		Termiz tibbiyot kolleji	Termiz Abu Ali ibn Sino nomidagi Jamoat salomatligi texnikumi
33.		Sariosiyo tibbiyot kolleji	Sariosiyo Abu Ali ibn Sino nomidagi Jamoat salomatligi texnikumi
34.		Sherobod tibbiyot kolleji	Sherobod Abu Ali ibn Sino nomidagi Jamoat salomatligi texnikumi
35.	Toshkent viloyati	Bekobod tibbiyot kolleji	Bekobod Abu Ali ibn Sino nomidagi Jamoat salomatligi texnikumi
36.		Olmaliq tibbiyot kolleji	Olmaliq Abu Ali ibn Sino nomidagi Jamoat salomatligi texnikumi
37.		Zangiota tibbi�t kolleji	Zangiota Abu Ali ibn Sino nomidagi Jamoat salomatligi texnikumi
38.		Yangiyo‘l tibbiyot kolleji	Yangiyo‘l Abu Ali ibn Sino nomidagi Jamoat salomatligi texnikumi
39.	Farg‘ona viloyati	Beshariq tibbiyot kolleji	Beshariq Abu Ali ibn Sino nomidagi Jamoat salomatligi texnikumi
40.		Marg‘ilon tibbiyot kolleji	Marg‘ilon Abu Ali ibn Sino nomidagi Jamoat salomatligi texnikumi
41.		2-Marg‘ilon tibbiyot kolleji	2-Marg‘ilon Abu Ali ibn Sino nomidagi Jamoat salomatligi texnikumi
42.		Quva tibbiyot kolleji	Quva Abu Ali ibn Sino nomidagi Jamoat salomatligi texnikumi
43.		Rishton tibbiyot kolleji	Rishton Abu Ali ibn Sino nomidagi Jamoat salomatligi texnikumi
44.	Xorazm viloyati	Urganch tibbiyot kolleji	Urganch Abu Ali ibn Sino nomidagi Jamoat salomatligi texnikumi
45.	Toshkent shahri	1-Respublika tibbiyot kolleji	1-Respublika Abu Ali ibn Sino nomidagi Jamoat salomatligi texnikumi
46.		Chilonzor tibbiyot kolleji	Chilonzor Abu Ali ibn Sino nomidagi Jamoat salomatligi texnikumi
47.		Yunusobod tibbiyot kolleji	Yunusobod Abu Ali ibn Sino nomidagi Jamoat salomatligi texnikumi

O‘zbekiston Respublikasi Prezidentining 2020-yil 7-apreldagi PQ-4666-son qaroriga
2-ILOVA

Tibbiyot oliy ta’lim muassasasi talabalari stipendiyasiga 2020/2021 o‘quv yilidan boshlab qo‘shimcha ravishda bazaviy stipendiya miqdorida ustama to‘lashda inobatga olinadigan chet tilini bilish darajasi to‘g‘risidagi xalqaro sertifikatlar

RO‘YXATI

T/r	Sertifikatlar nomi	Tillar	Minimal ballar
1.	International English Language Testing System (IELTS academic)	Ingliz tili	6,5
2.	Test of English as a Foreign Language (TOEFL)		IBT 72
3.	Cambridge Assessment English PET		B2
4.	Goethe-Zertifikat	Nemis tili	B2
5.	TestDaf		B2
6.	Deutsches Sprachdiplom		DSD II
7.	Diplôme d'Etudes en Langue Française (DELF)	Fransuz tili	B2
8.	Test de Connaissance du Français (TCF)	Fransuz tili	B2

O‘zbekiston Respublikasi Prezidentining 2020-yil 7-apreldagi PQ-4666-son qaroriga
3-ILOVA

Tibbiyot xodimlarining kasbiy malakasini rivojlantirish markazi

TUZILMASI

Xodimlarning cheklangan soni (professor-o‘qituvchilar tarkibi, o‘quv-yordamchi xodimlar, fakultetlar xodimlari, shuningdek, texnik foydalanish va xo‘jalik bo‘limi texnik va xizmat ko‘rsatish xodimlarini hisobga olmaganda) — 56 nafar, ulardan boshqaruv xodimlari — 28 nafar.

* Shtatlar Markazning budjetdan tashqari mablag‘lari hisobiga ta’minlanadi.

** Shtat birliklari soni oliy ta’lim muassasalari uchun nazarda tutilgan normativlar bo‘yicha belgilanadi.

O‘zbekiston Respublikasi Prezidentining 2020-yil 7-apreldagi PQ-4666-son qaroriga
4-ILOVA

Uzluksiz kasbiy tibbiyot ta’limida to‘planadigan kreditlar

HAJMI

T/r	Ta’lim oluvchilar kontingenti	Kreditlar hajmlari*
T/r	Ta’lim oluvchilar kontingenti	Jami	shundan, bir yilda quyidagidan kam bo‘lmagan
1.	Birlamchi tibbiy-sanitariya yordami muassasalarining oliy ma’lumotli tibbiyot va farmatsevtika kadrlari	288**	36
2.	Birlamchi tibbiy-sanitariya yordami muassasalariga kirmaydigan boshqa davlat va nodavlat tibbiyot tashkilotlarining oliy ma’lumotli tibbiyot va farmatsevtika kadrlari	250***	50
3.	O‘rta maxsus ma’lumotli tibbiyot va farmatsevtika kadrlari	140****	28

* Besh yil davomida to‘planadi.

** 288 ta kreditdan 144 tasi tegishli tibbiy ta’lim muassasalari va tashkilotlarida pullik asosda ta’lim olish orqali to‘planadi, undan keyin qolgan 144 tasi O‘zbekiston Respublikasi Davlat budjeti mablag‘lari hisobidan ta’lim olish orqali to‘planadi.

*** 250 ta kredit tegishli tibbiy ta’lim muassasalari va tashkilotlarida pullik asosda to‘planadi.

**** 140 ta kredit davlat tibbiyot muassasalarining kadrlari tomonidan tegishli davlat tibbiy ta’lim muassasalari va tashkilotlarida O‘zbekiston Respublikasi Davlat budjeti mablag‘lari hisobidan ta’lim olish orqali, nodavlat tibbiyot tashkilotlarining kadrlari tomonidan — pullik asosda to‘planadi.

(Qonun hujjatlari ma’lumotlari milliy bazasi, 07.04.2020-y., 07/20/4666/0402-son; Qonunchilik ma’lumotlari milliy bazasi, 25.12.2021-y., 07/21/61/1195-son)