PDF-faylidagi rasmiy manba
O‘zbekiston standartlashtirish, metrologiya va sertifikatlashtirish agentligi bosh direktorining
buyrug‘i
O‘zbekiston Respublikasi Milliy sertifikatlashtirish tizimida ishlar va xizmatlarga haq to‘lash qoidalarini tasdiqlash to‘g‘risida
[O‘zbekiston Respublikasi Adliya vazirligi tomonidan 2013-yil 11-oktabrda ro‘yxatdan o‘tkazildi, ro‘yxat raqami 2516]
O‘zbekiston Respublikasi Vazirlar Mahkamasining 2013-yil 19-apreldagi 108-son “Vazirlar Mahkamasining “Mahsulotlarni sertifikatlashtirish tartibotini soddalashtirishga doir qo‘shimcha chora-tadbirlar to‘g‘risida” 2004-yil 6-iyuldagi 318-son qaroriga o‘zgartirishlar kiritish haqida”gi qarori (O‘zbekiston Respublikasi qonun hujjatlari to‘plami, 2013-yil, 17-son, 225-modda) ijrosini ta’minlash maqsadida buyuraman:
1. O‘zbekiston Respublikasi Milliy sertifikatlashtirish tizimida ishlar va xizmatlarga haq to‘lash qoidalari ilovaga muvofiq tasdiqlansin.
2. O‘zbekiston davlat standartlashtirish, metrologiya va sertifikatlashtirish markazi tomonidan 1999-yil 28-aprelda tasdiqlangan Ishlarga haq to‘lash tartibi (ro‘yxat raqami 722, 1999-yil 11-may) o‘z kuchini yo‘qotgan deb hisoblansin.
3. Mazkur buyruq rasmiy e’lon qilingan kundan e’tiboran kuchga kiradi.
Bosh direktor A. KURBANOV
Toshkent sh.,
2013-yil 18-sentabr,
439-son
O‘zbekiston davlat standartlashtirish, metrologiya va sertifikatlashtirish agentligi bosh direktorining 2013-yil 18-sentabrdagi 439-son buyrug‘iga
ILOVA
O‘zbekiston Respublikasi Milliy sertifikatlashtirish tizimida ishlar va xizmatlarga haq to‘lash
QOIDALARI
Oldingi tahrirga qarang.
Ushbu Qoidalar O‘zbekiston Respublikasining “Mahsulotlar va xizmatlarni sertifikatlashtirish to‘g‘risida”gi, “Muvofiqlikni baholash to‘g‘risida”gi qonunlari, O‘zbekiston Respublikasi Prezidentining 2019-yil 15-avgustdagi PQ-4419-son “O‘zbekiston Respublikasida muvofiqlikni baholash tizimini yanada takomillashtirish va sinov laboratoriyalari kompleksini rivojlantirish to‘g‘risida”gi qarori, O‘zbekiston Respublikasi Vazirlar Mahkamasining 2013-yil 19-apreldagi 108-son “Vazirlar Mahkamasining “Mahsulotlarni sertifikatlashtirish tartibotini soddalashtirishga doir qo‘shimcha chora-tadbirlar to‘g‘risida” 2004-yil 6-iyuldagi 318-son qaroriga o‘zgartirishlar kiritish haqida”gi, 2015-yil 14-oktabrdagi 292-son “Muvofiqlikni baholash to‘g‘risida”gi O‘zbekiston Respublikasi Qonunini amalga oshirish chora-tadbirlari to‘g‘risida”gi, 2019-yil 24-apreldagi 348-son “O‘zbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari to‘g‘risida”gi va 2019-yil 24-apreldagi 349-son “Muvofiqlikni baholash organlarini akkreditatsiyadan o‘tkazish sohasidagi ishlarni takomillashtirishga doir qo‘shimcha chora-tadbirlar to‘g‘risida”gi qarorlariga muvofiq, akkreditatsiya qilish, inspeksiya nazorati, sertifikatlashtirish, xorijiy mamlakatlarning muvofiqlikni baholash organlari tomonidan berilgan muvofiqlik sertifikatlarini, muvofiqlik to‘g‘risidagi deklaratsiyalarni va sinovlar protokollarini e’tirof etish bo‘yicha ishlar va xizmatlar uchun, shuningdek muvofiqlik belgisidan foydalanganlik uchun bir martalik va milliy akkreditatsiya tizimi belgisini (bundan buyon matnda akkreditatsiya belgisi deb yuritiladi) qo‘llash uchun to‘lovlarni to‘lash tartibini belgilaydi.
(muqaddima O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
I bob. Asosiy qoidalar
Oldingi tahrirga qarang.
1. Mazkur Qoidalarda quyidagi asosiy tushunchalar qo‘llaniladi:
akkreditatsiya obyekti — muvofiqlikni baholash organlari va metrologiya xizmatlari, shu jumladan ularni baholash jarayonida;
muvofiqlik belgisi — muayyan mahsulot yoxud xizmat aniq standartga yoki boshqa normativ hujjatga mos ekanligini ko‘rsatish uchun mahsulotga yoxud ko‘rsatilgan xizmatga doir hujjatga qo‘yiladigan, belgilangan tartibda ro‘yxatga olingan belgi;
inspeksiya nazorati — mahsulotni, ishlab chiqarish jarayonlarini, xizmatlarni, menejment tizimlarini, muvofiqlikni baholash organlarini ularning muvofiqlikni baholash davrida belgilangan talablarga muvofiqligini tasdiqlash maqsadida amalga oshiriladigan davriy qayta baholash tartib-taomili.
(1-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
11. Muvofiqlikni baholash organlari va metrologik xizmatlari o‘z faoliyatlarini akkreditatsiya qilinganlik to‘g‘risidagi guvohnomalar asosida amalga oshiradilar.
(11-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘iga (ro‘yxat raqami 2516-4, 09.10.2021-y.) asosan kiritilgan — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
2. O‘zbekiston Respublikasi Milliy sertifikatlashtirish tizimidagi ishlar va xizmatlar narxi shartnoma asosida aniqlanadi. Bunda akkreditatsiya qilish, inspeksiya nazorati, sertifikatlashtirish, xorijiy muvofiqlik sertifikatlarini tan olish va deklaratsiyalash bo‘yicha ishlar va xizmatlarning narxini shakllantirishda xarajatlar tarkibini aniqlash O‘zbekiston Respublikasi Vazirlar Mahkamasining 1999-yil 5-fevraldagi 54-son “Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi to‘g‘risidagi nizomni tasdiqlash haqida”gi qaroriga muvofiq amalga oshiriladi.
(2-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
3. Monopolist korxonalar va tabiiy monopoliya subyektlarining akkreditatsiya qilish, inspeksiya nazorati, sertifikatlashtirish, xorijiy muvofiqlik sertifikatlarini tan olish va deklaratsiyalash bo‘yicha ishlar va xizmatlarining narxi O‘zbekiston Respublikasi Vazirlar Mahkamasining 2010-yil 28-oktabrdagi 239-son qarori bilan tasdiqlangan Tovarlar (ishlar, xizmatlar)ga tartibga solinadigan narxlar (tariflar)ni shakllantirish, deklaratsiya qilish (tasdiqlash) va belgilash hamda ularning qo‘llanilishini davlat tomonidan nazorat qilish tartibi to‘g‘risida nizomga muvofiq aniqlanadi.
(3-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
II bob. Akkreditatsiya qilish inspeksiya nazorati uchun ishlar va xizmatlarning to‘lovi
(II-bobning nomi O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
4. O‘zbekiston Respublikasi Vazirlar Mahkamasining 2019-yil 24-apreldagi 349-son qarori bilan tasdiqlangan Muvofiqlikni baholash organlarini akkreditatsiyadan o‘tkazish tartibi to‘g‘risidagi nizomning 60-bandida “O‘zbekiston akkreditatsiya markazi” DK tomonidan (bundan buyon matnda Markaz deb yuritiladi) akkreditatsiya sohasidagi quyidagi xizmatlar uchun haq undirilishi belgilangan:
hujjatlar ekspertizasi uchun;
akkreditatsiya obyektini baholash uchun;
tasdiqlangan reja-jadvalga muvofiq o‘tkazilgan akkreditatsiya obyektining inspeksiya nazorati uchun;
akkreditatsiya sohasini dolzarblashtirish uchun.
(4-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
5. Natijalaridan qat’i nazar, akkreditatsiya qilish bo‘yicha ishlarni bajarish bilan bog‘liq bo‘lgan barcha xarajatlar to‘lanishi lozim.
Oldingi tahrirga qarang.
6. “Mahsulotlar va xizmatlarni sertifikatlashtirish to‘g‘risida”gi O‘zbekiston Respublikasi Qonunining 5-moddasiga muvofiq O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi (bundan buyon matnda Texnik jihatdan tartibga solish agentligi deb yuritiladi) o‘z vazifalarining bir qismini mahsulotlarni sertifikatlashtirish organlariga va sinov laboratoriyalariga (markazlariga) o‘tkazishga haqlidir.
(6-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
7. Akkreditatsiya obyekti akkreditatsiya qilinganida Markaz va akkreditatsiya obyekti o‘rtasida akkreditatsiyadan keyingi shartnoma tuziladi, unga ko‘ra akkreditatsiya obyekti akkreditatsiya belgisini qo‘llaganlik uchun akkreditatsiya sohasida ko‘rsatilgan pullik xizmatlar tushumning 5 foizi miqdorida ajratma o‘tkazadi.
(7-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
8. O‘zbekiston Respublikasi Vazirlar Mahkamasining 2019-yil 24-apreldagi 349-son qarori bilan tasdiqlangan Muvofiqlikni baholash organlarini akkreditatsiyadan o‘tkazish tartibi to‘g‘risidagi nizomning 62-bandiga muvofiq ushbu Qoidalarda nazarda tutilgan xizmatlar uchun to‘lovlar Markazning sarflangan vaqtidan kelib chiqqan holda belgilanadi.
(8-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
III bob. Sertifikatlash, xorijiy muvofiqlik sertifikatlarini tan olish va deklaratsiyalash bo‘yicha ishlar va xizmatlar to‘lovi
9. Mahsulotlar, xizmatlar va sifat tizimlarini sertifikatlashtirishda haqiqiy sarflarni hisobga olgan holda Mahsulotlarni sertifikatlash qoidalarining (ro‘yxat raqami 1458, 2005-yil 18-mart) (O‘zbekiston Respublikasi qonun hujjatlari to‘plami, 2005-y., 10-11-son, 86-modda) 8-bandida ko‘zda tutilgan sertifikatlashtirish bosqichlari to‘lanishi lozim.
10. Natijalaridan qat’i nazar, sertifikatlashtirish bo‘yicha ishlar va xizmatlarni o‘tkazish bilan bog‘liq bo‘lgan barcha xarajatlar to‘lanishi kerak.
Oldingi tahrirga qarang.
11. Sertifikatlangan mahsulot va sifat tizimining inspeksiya nazoratini o‘tkazish bo‘yicha ishlar va xizmatlarning to‘lovi, haqiqiy sarflardan kelib chiqib, muvofiqlik belgisini ishlatish huquqi bo‘yicha bitim asosida amalga oshiriladi.
(11-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
12. Xorijiy mamlakatlarning muvofiqlikni baholash organlari tomonidan berilgan muvofiqlik sertifikatlarini, muvofiqlik to‘g‘risidagi deklaratsiyalarni va sinovlar protokollarini e’tirof etish bo‘yicha ishlar va xizmatlarning to‘lovi Vazirlar Mahkamasining 2015-yil 14-oktabrdagi 292-son qarori bilan tasdiqlangan O‘zbekiston Respublikasidan tashqarida amalga oshirilgan muvofiqlikni baholash natijalarini O‘zbekiston Respublikasida e’tirof etish tartibi to‘g‘risidagi nizom va Mahsulotlarni sertifikatlash qoidalariga (ro‘yxat raqami 1458, 2005-yil 18-mart) muvofiq e’tirof etish jarayonini amalga oshirish bo‘yicha haqiqiy sarflardan kelib chiqib amalga oshiriladi.
(12-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
13. Deklaratsiyalash yo‘li bilan mahsulotlarning belgilangan talablarga muvofiqligini tasdiqlash bo‘yicha ishlar va xizmatlar to‘lovi Mahsulotning xavfsizlik talablariga muvofiqligini deklaratsiyalash tartibi to‘g‘risida nizomga (ro‘yxat raqami 1465, 2005-yil 6-aprel) (O‘zbekiston Respublikasi qonun hujjatlari to‘plami, 2005-y., 14-son, 107-modda) muvofiq deklaratsiyalash yo‘li bilan mahsulotlarning belgilangan talablarga muvofiqligini tasdiqlash jarayonini amalga oshirish bo‘yicha haqiqiy sarflardan kelib chiqib amalga oshiriladi.
Oldingi tahrirga qarang.
(14-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘iga (ro‘yxat raqami 2516-4, 09.10.2021-y.) asosan o‘z kuchini yo‘qotgan — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
IV bob. Sertifikatlashtirish organlariga muvofiqlik belgisidan foydalanganlik uchun bir martalik to‘lovlarni to‘lash
Oldingi tahrirga qarang.
15. Muvofiqlik belgisidan foydalanishni nazarda tutuvchi sxemalar bo‘yicha amalga oshirilgan sertifikatlashtirishning natijalari ijobiy bo‘lganda, mahsulotlar va xizmatlarni sertifikatlashtirish organi bilan import qiluvchi va mahalliy ishlab chiqaruvchi korxonalar (sertifikatlashtirishga nomzod) o‘rtasida bitim tuziladi. Unga ko‘ra import qiluvchi va mahalliy ishlab chiqaruvchi korxonalar muvofiqlik belgisidan foydalanganlik uchun bir martalik to‘lovni bazaviy hisoblash miqdorining yarim baravari miqdorida amalga oshiradi.
O‘zbekiston Respublikasi Vazirlar Mahkamasining 2019-yil 24-apreldagi 348-son “O‘zbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari to‘g‘risida”gi qarorining 1-bandiga muvofiq Mustaqil Davlatlar Hamdo‘stligi mamlakatlarining “Mahsulotlar va xizmatlar sifati sohasidagi xizmatlari uchun” mukofoti laureatlari bo‘lgan mahalliy korxonalar nomzod mahsulot bo‘yicha muvofiqlik sertifikati amal qilish muddatida muvofiq belgisidan foydalanganlik uchun bir martalik to‘lovdan ozod etiladi.
(15-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
(16-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘iga (ro‘yxat raqami 2516-4, 09.10.2021-y.) asosan o‘z kuchini yo‘qotgan — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
(17-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘iga (ro‘yxat raqami 2516-4, 09.10.2021-y.) asosan o‘z kuchini yo‘qotgan — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
V bob. Yakuniy qoidalar
Oldingi tahrirga qarang.
18. Ishlar va xizmatlarning haqqoniy sermashaqqatliligini aniqlashda javobgarlik akkreditatsiya va inspeksiya nazorati bo‘yicha — Markaz, sertifikatlashtirish, xorijiy muvofiqlik sertifikatlarini tan olish hamda deklaratsiyalash bo‘yicha — sertifikatlashtirish organi rahbarlari zimmasiga yuklatiladi.
(18-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
Oldingi tahrirga qarang.
19. Mazkur Qoidalar talablariga rioya qilish ustidan davlat nazoratini Texnik jihatdan tartibga solish agentligi amalga oshiradi.
(19-band O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘i (ro‘yxat raqami 2516-4, 09.10.2021-y.) tahririda — Qonunchilik ma’lumotlari milliy bazasi, 09.10.2021-y., 10/21/2516-4/0947-son)
20. Ushbu Qoidalar O‘zbekiston Respublikasi Moliya vazirligi bilan kelishilgan.
Moliya vaziri R. AZIMOV
2013-yil 18-sentabr
Oldingi tahrirga qarang.
(ilova O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi bosh direktorining 2021-yil 13-sentabrdagi 82-sonli buyrug‘iga (ro‘yxat raqami 2516-4, 09.10.2021-y.) asosan o‘z kuchini yo‘qotgan — Qonunchilik ma’lumotlari milliy bazasi, 09.10.2021-y., 10/21/2516-4/0947-son)

(O‘zbekiston Respublikasi qonun hujjatlari to‘plami, 2013-y., 41-son, 555-modda; 2015-y., 19-son, 238-modda; 2016-y., 17-son, 181-modda; Qonun hujjatlari ma’lumotlari milliy bazasi, 19.03.2020-y., 10/20/2516-3/0337-son; Qonunchilik ma’lumotlari milliy bazasi, 09.10.2021-y., 10/21/2516-4/0947-son)